दीपावलीच्या पावन पर्वावर संस्थानच्या विश्वस्तांच्या हस्ते मातेचे विधीवत लक्ष्मीपूजन संपन्न झाले. पूजनानंतर मंदिराच्या मुख्य सभामंडपात महाआरती संपन्न झाली.

माहूर गडावर श्री रेणुका देवी मंदिरात लक्ष्मीपूजन झाल्यानंतर मातेची नित्य प्रार्थना व स्तोत्रपठण भाविकांच्या उपस्थितीत भक्तिभावाने करण्यात आले.

दीपावलीनिमित्त संपूर्ण मंदिर परिसरावर व पायऱ्यांच्या मार्गावर आकर्षक विद्युत रोषणाई करण्यात आली. शेकडो समई व दिव्यांनी गड उजळून निघाला होता.

मातेच्या गाभाऱ्यात सुगंधित फुलांची आकर्षक आरास करण्यात आली होती. दीपावलीनिमित्त श्री रेणुका मातेची सुवर्णालंकार पूजा बांधण्यात आली.

दीपावली महोत्सवात सुवर्ण अलंकार व कुंकुमार्चनाने सजलेले जगन्माता रेणुकेचे तेजस्वी रूप.

दीप प्रज्वलनानंतर विश्वस्त व भाविकांच्या उपस्थितीत झालेला मंगलमय महाआरती सोहळा.

माहूर गडाच्या उंच शिखरावर व सभामंडपावर केलेली आकर्षक रंगीबेरंगी रोषणाई.

संस्थानतर्फे गडावर आलेल्या सर्व भाविक व वृद्ध यात्रेकरूंना दीपावलीनिमित्त फराळ व लाडू प्रसाद वाटप.

गडावरील ऐतिहासिक दीपमाळांवर व समईंमध्ये तेलवात लावून करण्यात आलेले मंगल दीप प्रज्वलन.