अनादी काळापासून मातापूर क्षेत्री विराजमान कुलस्वामिनी

श्री क्षेत्र माहूरगड येथील कुलस्वामिनी माता रेणुकेची अलौकिक महती वर्णन करणारा श्री रेणुका महात्म्यातील वरील श्लोक अत्यंत यथार्थ व फलदायी आहे. महाराष्ट्र राज्यातील नांदेड जिल्ह्यातील माहूर हे गाव धार्मिक दृष्ट्या अत्यंत पावन, जाग्रुत व ऐतिहासिक तीर्थक्षेत्र आहे.

महाराष्ट्रात आदिमायेची साडेतीन शक्तिपीठे मानली जातात — तुळजापूरची भवानी माता, कोल्हापूरची महालक्ष्मी, माहूरची रेणुका माता आणि वणीची सप्तशृंगी (अर्धे पीठ). यामध्ये माहूर गड हे आई रेणुकेचे मूळ स्वयंभू तांदळा रूप असलेले पूर्णपीठ मानले जाते.

माता रेणुका भगवान परशुरामांच्या सविनय प्रार्थनेला अनुमोदन देऊन जगत् कल्याणासाठी अनादी काळापासून मातापूर क्षेत्री विराजमान आहे.